Rreth Programit
Youth Climate Action Fund rikthehet për raundin e dytë pas një thirrjeje të parë të suksesshme ku u financuan dhe realizuan me sukses 8 projekte rinore në Bashkinë Tiranë!
Bashkia Tiranë së bashku me ALBICT i bashkohet kësaj lëvizjeje globale për të fuqizuar të rinjtë në luftën kundër ndryshimeve klimatike. Si pjesë e Youth Climate Action Fund, mbështetur nga Bloomberg Philanthropies në partneritet me UCLG dhe Qendrën Bloomberg për Inovacionin Publik në Universitetin Johns Hopkins, kjo iniciativë ofron financim dhe asistencë teknike për të mbështetur zgjidhje klimatike të udhëhequra nga të rinjtë.
Nisur nga suksesi i raundit të parë, ky edicion synon të mbështesë projektet më ambicioze dhe të forcojë angazhimin e të rinjve në politikat lokale për klimën.
Ky është momenti juaj për të udhëhequr ndryshimin në komunitetin tuaj dhe për të bashkëpunuar me qeverisjen lokale për një të ardhme më të qëndrueshme. Apliko tani dhe bëhu pjesë e kësaj lëvizjeje globale!
Kush mund të aplikojë?
Të rinjtë e moshës 15-24 vjeç, në grup ose si pjesë e një organizate, banues në Bashkinë Tiranë.
Grupet rinore të përbëra nga të paktën 3 persona, të cilët marrin pjesë aktive në vendimmarrje dhe mbikëqyrjen e projektit.
Organizatat e udhëhequra nga të rinjtë ose që punojnë në shërbim të tyre, që:
Janë të regjistruara ligjërisht dhe kanë qëllime bamirësie dhe llogari bankare në emër të organizatës.
Organizata mbështetëse që mund të administrojnë fondet për projektet e të rinjve, si:
Institucione arsimore (shkolla, biblioteka, muze), organizata komunitare, fetare ose njësi të tjera të njohura që veprojnë si agjentë fiskalë.