Rreth Nesh
Në ALBICT (ICTSlab) besojmë fuqishëm se fëmijët dhe të rinjtë janë krijuesit e së ardhmes. Ne ofrojmë eksperienca praktike në fushën e teknologjisë, duke ndërtuar mendimin logjik dhe aftësitë e shekullit XXI përmes workshop-eve në programim, robotikë, dhe tashmë edhe në AI Literacy – duke i ndihmuar të kuptojnë dhe përdorin mjetet e inteligjencës artificiale në mënyrë të ndërgjegjshme.
Përshkrimi i Rolit
Kërkojmë ‘interns’ energjikë dhe të pasionuar që duan të zhvillohen si STEM Trainers dhe të përfitojnë eksperiencë praktike në fushën e edukimit në teknologji. Gjatë internship-it, kandidatët do të asistojnë në zhvillimin e klasave interaktive me fëmijë të moshës 8-16 vjeç dhe do të mësojnë si të përdorin dhe ndërtojnë kurrikula edukative në programim, robotikë dhe AI.
Detyrat bazë
- Asistimi në mësimdhënien dhe trajnimin e klasave të programimit, robotikës dhe AI;
- Ndihma në mirëmbajtjen e kurrikulës teknike / planprogramit;
- Mbështetja e fëmijëve gjatë aktiviteteve praktike dhe projekteve finale;
- Asistimi në organizimin e aktiviteteve dhe eventeve edukative;
- Mësim i vazhdueshëm për metodologjitë e trajnimit në STEM.
Kualifikime të Kërkuara
- Student/e ose i/e diplomuar së fundmi në Informatikë, Shkenca Kompjuterike, Elektronikë, Matematikë ose fusha të ngjashme;
- Interes i fortë për edukimin, programimin, robotikën dhe teknologjitë e reja;
- Aftësi të mira komunikimi dhe dëshirë për të punuar me fëmijë dhe adoleshentë;
- Aftësi bazike në programim ose përvojë me platforma robotike janë avantazh;
- Njohuri të mira të anglishtes dhe shqipes.
Çfarë Ofrojmë
- Eksperiencë praktike në mësimdhënie dhe trajnime STEM;
- Mentorim nga trajnerë me eksperiencë;
- Ambient pune inovativ dhe bashkëpunues;
- Mundësi për zhvillim profesional dhe punësim pas përfundimit të internship-it;
- Orar fleksibël part-time (pasdite).
Si të Aplikoni
Të gjithë kandidatët e interesuar duhet të dërgojnë CV-në dhe një letër të shkurtër motivimi në adresën: info@albict.al, jo më vonë se data 19 shtator 2025.
Në subjektin e email-it, ju lutemi specifikoni: “Internship – STEM Trainer”.
Kandidatët e përzgjedhur do të kontaktohen për një intervistë.